മാസപ്പടി കേസിൽ നിർണായക നീക്കങ്ങളുമായി ED, വീണ വിജയന് ഉടൻ സമൻസ്? ഈഡിക്ക് ആവശ്യമായ തെളിവുകൾ ലഭിച്ചിട്ടുണ്ട്

 മാസപ്പടി കേസിൽ നിർണായക നീക്കങ്ങളുമായി ED, വീണ വിജയന് ഉടൻ സമൻസ്? ഈഡിക്ക് ആവശ്യമായ തെളിവുകൾ ലഭിച്ചിട്ടുണ്ട് എന്നാണ് അറിയാൻ കഴിയുന്നത്

കേരള രാഷ്ട്രീയത്തെ ആകെ ഉലച്ച മാസപ്പടി കേസിൽ എൻഫോഴ്സ്മെന്റ് ഡയറക്ടറേറ്റ് (ED) അന്വേഷണം കൂടുതൽ ശക്തമാക്കുന്നു. കഴിഞ്ഞ ദിവസങ്ങളിൽ സിഎംആർഎൽ (CMRL) കമ്പനിയിലും അതിന്റെ ഉദ്യോഗസ്ഥരുടെ വീടുകളിലും ഇഡി നടത്തിയ റെയ്ഡുകളിൽ അതീവ നിർണായകവും ആധികാരികവുമായ രേഖകൾ ലഭിച്ചതായാണ് പുറത്തുവരുന്ന വിവരങ്ങൾ.

അന്വേഷണത്തിൽ തങ്ങൾ പൂർണ്ണ സംതൃപ്തരാണെന്നും, കള്ളപ്പണം വെളുപ്പിക്കൽ നിരോധന നിയമപ്രകാരം (PMLA) മുന്നോട്ട് പോകാൻ ആവശ്യമായ വ്യക്തമായ തെളിവുകൾ ഇഡിക്ക് ലഭിച്ചതായും അന്വേഷണ ഉദ്യോഗസ്ഥർ വ്യക്തമാക്കുന്നു. 

ഈ കമ്പനിയിൽ കേരള സർക്കാരിന് കൂടി ഓഹരി വിഹിതം ഉള്ളതുകൊണ്ട് ഈന്ത് കമ്പനിയും നടക്കുന്ന ക്രമക്കേടുകൾ മൂലം കമ്പനിക്ക് ഉണ്ടായ നഷ്ടത്തിന് സർക്കാറിനു കൂടി ബാധകമാകും.

വീണ വിജയന് ഉടൻ സമൻസ് നൽകിയേക്കും.

കേസിലെ പ്രധാന ആരോപണവിധേയയായ മുഖ്യമന്ത്രി പിണറായി വിജയന്റെ മകൾ വീണ വിജയനെ വിശദമായി ചോദ്യം ചെയ്യാനാണ് ഇഡിയുടെ അടുത്ത നീക്കം. ഇതിനുമുമ്പ് സിഎംആർഎൽ ഉദ്യോഗസ്ഥരിൽ നിന്നും പ്രാഥമിക വിവരങ്ങൾ മാത്രമാണ് ശേഖരിച്ചിരുന്നതെങ്കിൽ, ഇപ്പോൾ ലഭിച്ച ഡിജിറ്റൽ-രേഖാമൂലമുള്ള തെളിവുകളുടെ അടിസ്ഥാനത്തിൽ കൊച്ചി ഓഫീസിലേക്ക് വിളിപ്പിച്ചു ചോദ്യം ചെയ്യാനാണ് തീരുമാനം. ഡയറക്ടറേറ്റിന്റെ അന്തിമ അനുമതി ലഭിക്കുന്നതോടെ വീണയ്ക്ക് ഉടൻ തന്നെ സമൻസ് അയക്കുമെന്നാണ് റിപ്പോർട്ടുകൾ.

റെയ്ഡിൽ ലഭിച്ച രേഖകൾ എന്തൊക്കെ?

മുമ്പ് എസ്എഫ്ഐഒ (SFIO) നടത്തിയ അന്വേഷണത്തിൽ കണ്ടെത്തിയ തെളിവുകളുടെ പകർപ്പുകൾക്ക് പുറമെ, സിഎംആർഎൽ കമ്പനിയിൽ നിന്ന് പിടിച്ചെടുത്ത ലൂസ് ഷീറ്റുകളും ഡയറി കുറിപ്പുകളുമാണ് ഇഡിക്ക് വഴിത്തിരിവായത്.

3 കോടി 28 ലക്ഷത്തിന്റെ ഇടപാടുകൾ: വീണ വിജയനും അവരുടെ ഉടമസ്ഥതയിലുള്ള എക്സാലോജിക് സൊല്യൂഷൻസിനും നൽകാത്ത സേവനങ്ങളുടെ പേരിൽ വലിയ തുക ബാങ്ക് അക്കൗണ്ടുകൾ വഴി കൈമാറിയതിന്റെ കൃത്യമായ വിവരങ്ങൾ ഇഡിയുടെ പക്കലുണ്ട്.

ഡയറിയിലെ പ്രമുഖരുടെ പേരുകൾ: സിഎംആർഎൽ കമ്പനിയിൽ നിന്ന് കണ്ടെടുത്ത ആയിരത്തോളം പേജുകൾ വരുന്ന ലൂസ് ഷീറ്റുകളിൽ കേരളത്തിലെ പ്രമുഖ രാഷ്ട്രീയ നേതാക്കളുടെ പേരുകളും അവർ കൈപ്പറ്റിയ തുകകളും വ്യക്തമായി രേഖപ്പെടുത്തിയിട്ടുണ്ടെന്നാണ് സൂചന.

പ്രകൃതിവിഭവങ്ങൾ ചൂഷണം ചെയ്ത് നിയമവിരുദ്ധമായി പ്രവർത്തിക്കാൻ അധികാരവർഗത്തിന് പണം നൽകി സ്വാധീനിക്കാൻ ശ്രമിച്ചതിന്റെ ഭാഗമാണോ ഈ ഇടപാടുകൾ എന്നാണ് ഇഡി പരിശോധിക്കുന്നത്. വളരെ ഗൗരവത്തോടാണ് ഇത് കേന്ദ്ര ഏജൻസി കേസന്വേഷിക്കുന്നത്

ഹൈക്കോടതിയെ സമീപിക്കാൻ സിഎംആർഎൽ

ഇഡിയുടെ കടുത്ത നീക്കങ്ങളെ പ്രതിരോധിക്കാൻ സിഎംആർഎൽ കമ്പനിയും നിയമപരമായ വഴികൾ തേടുകയാണ്. അന്വേഷണം തടയണമെന്ന ആവശ്യവുമായി കമ്പനി ഹൈക്കോടതിയെ സമീപിക്കാൻ ഒരുങ്ങുന്നതായാണ് സൂചന. മുമ്പ് സിംഗിൾ ബെഞ്ചിൽ നിന്നും അനുകൂലമായ ഉത്തരവ് ലഭിക്കാതിരുന്നതിനെ തുടർന്ന് അടിയന്തിര പ്രാധാന്യത്തോടെ കേസ് പരിഗണിപ്പിക്കാനാണ് കമ്പനി അഭിഭാഷകരുടെ നീക്കം. കൂടുതൽ പോലീസ് സംരക്ഷണം  നേടിയതിനു ശേഷം ആയിരിക്കും ഇനി വരുന്ന ദിവസങ്ങളിൽ വിവിധ റൈഡുകൾ നടക്കുന്നത്

അന്വേഷണം ശക്തമായി മുന്നോട്ട്

തിരുവനന്തപുരത്ത് വെച്ച് ഇഡി ഉദ്യോഗസ്ഥർക്ക് നേരെയുണ്ടായ പ്രതിഷേധങ്ങളോ മറ്റ് സമ്മർദ്ദങ്ങളോ അന്വേഷണത്തെ ബാധിക്കില്ലെന്ന് ഇഡി ഡയറക്ടറേറ്റ് വ്യക്തമാക്കിയിട്ടുണ്ട്. കൂടുതൽ ഉദ്യോഗസ്ഥരെ ഈ കേസിലേക്ക് നിയോഗിച്ചുകൊണ്ട് പരിശോധനകൾ വിപുലീകരിക്കാനാണ് കേന്ദ്ര ഏജൻസിയുടെ തീരുമാനം.

ഇനി വരും ദിവസങ്ങളിൽ വീണ വിജയനെ ചോദ്യം ചെയ്യുന്നതോടെ കേരള രാഷ്ട്രീയത്തിൽ വലിയ രീതിയിലുള്ള രാഷ്ട്രീയ ചലനങ്ങൾ ഉണ്ടാക്കുമെന്നുറപ്പാണ്.

കൂടുതൽ വാർത്തകൾക്കും തത്സമയ അപ്ഡേറ്റുകൾക്കുമായി ഞങ്ങളുടെ ന്യൂസ് വെബ്സൈറ്റ്  fbmedia.in ഫോളോ ചെയ്യുക.